Berättat av Gísli Már Gíslason
Man. Född 12 februari 1950. Prófessor emerítus, þ.e. prófessor á eftirlaunum. Reykjavík og Patreksfjörður.
Om du tänker på hur du lever i dag, vad tycker du fungerar bra och vad skulle du vilja förändra?
Ég er tiltölulega vel stæður, orðin 75 ára og bý vel. Er í sambúð með 70 ára konu og við búum í tveimur einbýlishúsum, öðru á Patreksfirði og hinu í Reykjavík. Ég á húsið í Reykjavík en konan á húsið á Patreksfirði. Við eigum sumarbústað við Meðalfellsvatn. Við búum vel, ferðumst nokkrum sinnum á ári til útlanda og mikið innanlands. Ég hætti að mestu launavinnu fyrir tæpum fimm árum og hef síðan verið professor emeritus við Háskóla Íslands og vinn ennþá að rannsóknum og tek að mér kennslu við HÍ þegar leitað er til mín. Konan hætti fyrr í launaðri vinnu og eigum við því mikinn tíma saman. Reynum að hreyfa okkur daglega og einnig förum við í skipulagðar ferðir með Ferðafélagi Íslands. Ég starfa í félögum, er formaður Lionsklúbbs á Patreksfirði, er í stjórn Ferðafélags Íslands og stunda leikfimi með fyrrum kollegum við Háskóla Íslands. Ég sé ekki ástæðu til að breyta mínum lífstíl.
När du funderar på hur livet på Island, i Norden och världen ser ut i dag, vad tycker du fungerar bra och vad skulle du vilja förändra?
Ég vona að Ísland og Norðulönd verði áfram velferðarríki, þ.e. almenn velferðarþjónusta (heilbrigðismál, menntun, orkuöflun, almannasamgöngur verði í almannaeign, þ.e. í eigu ríkis eða sveitafélaga). Helst vildi ég breyta því á Íslandi að fjármálastarfsemi verði öguð og helst að gjaldmiðilinn verði stöðugur, en núna er hann álíka áreiðanlegur og mattador-peningur. Það þarf að vera auðveldara fyrir fólk að eignast húsnæði og fyrir tekjulægstu þarf að koma upp ,,verkamannabústaðakerfi”. Núna ræður villta vestrið. Varnamál þurfa vera sameiginleg með líðræðisríkjum og aukið samstarf þarf að vera meðal Norðulandaþjóðanna, e.t.v. koma aftur á Kalmarsambandi, þar sem Norðulöndin voru öll eitt ríki.
Hur vill du att Island, Norden och världen ser ut om 30 år? Och hur vill du att ditt eget liv eller efterkommande generationers ser ut?
Svarið hér að ofan gildir um stöðu Norðurlanda eftir 30 ár. Almennt vona ég að velferðarríkin hefðu þroskast og íbúar þeirra búi við meira öryggi, í húsnæðismálum, heilbrigðismálum, menntamálum og einnig í varnarmálu. Eftir 30 ár verð ég ekki ofan moldu, en ég sé ekkert því til fyrirstöðu að velferðaríkin geti orðið traustari í sessi. Einnig mun á þessum tíma aukast fólksflutningar til Norðurlanda vegna loftslagsbreytinga í löndum norðan miðbaugs í Afríku og Asíu, og mun fólk frá þessum svæðum sækjast eftir öruggara lífi og stefna því margir á Norðurlönd. Ég geri ráð fyrir að hlutfall fólks á Norðurlöndum, sem fætt er utan þeirra muni aukast. Núna er það um 19% á Íslandi gæti orðið tvöfalt hærra eftir 30 ár.
Hur vill och tror du att livet på Island, i Norden och världen ser ut om 150 år?
Miðað við þær breytingar og óstöðugleika sem er núna geri ég ráð fyrir að Norðurlönd munu sameinast í eitt ríki til að halda í þá velferð sem þegar er í ríkjunum. Einnig mun hlutfall aðkomufólks frá fátækari löndum og löndum sem þjást af afleiðingum loftslagsbreytinga (t.d. svæðið sunnan Sahara eyðumerkurinnar, Asíulanda og Suður-Ameríku) munu leita til Norðulanda um öruggara og betra líf. Ófriður vegna yfirgangs stórvelda, sérstaklega Kína, munu valda óráoa og fjölga flóttamönnum. Þetta er viðfangsefni sem Norðurlönd þurfa að kljást við.
Publicerat
14 januari 2025
Berättat av
Gísli Már Gíslason
Licens
CC BY
Arkivkod
M17/00859
Berättelsens position
Se alla berättelser på kartaIf you see this after your page is loaded completely, leafletJS files are missing.
Gör som 878 andra – dela din berättelse!
Var med i det nordiska samtalet om framtiden. 878 personer har redan bidragit. Vad vill du? Hur ser du på åren vi har framför oss?